شنگھائی (18 ستمبر 2025): صدر پاکستان آصف علی زرداری نے اپنے دورہ شنگھائی کے دوران چین کی معروف ماحولیاتی کمپنی ایس یو ایس انیوارونمنٹ کے چیف آپریٹنگ آفیسر مسٹر ژو ژیاوپنگ سے ملاقات کی۔ اس موقع پر دونوں فریقین نے شہری فضلہ مینجمنٹ، ویسٹ ٹو انرجی منصوبوں اور مربوط فضلہ پروسیسنگ کے حوالے سے تفصیلی گفتگو کی اور مستقبل میں عملی تعاون کی راہیں ہموار کرنے پر اتفاق کیا۔
ملاقت کے دوران صدر زرداری نے اس بات پر زور دیا کہ پاکستان، خصوصاً صوبہ سندھ، کو جدید فضلہ کے انتظامی نظاموں کی اشد ضرورت ہے۔ انہوں نے اس شعبے میں ایس یو ایس انیوارونمنٹ کی تکنیکی مہارت اور کامیاب تجربات کو سراہتے ہوئے کمپنی کو پاکستان میں شراکت داری کی دعوت دی۔
مسٹر ژو نے صدر پاکستان اور ان کے وفد کو کمپنی کے مختلف منصوبوں کے بارے میں آگاہ کیا۔ انہوں نے بتایا کہ ایس یو ایس انیوارونمنٹ ویسٹ ٹو انرجی، شہری فضلہ کی مربوط پروسیسنگ اور جدید ماحولیاتی حل فراہم کرنے میں نمایاں مقام رکھتی ہے۔ انہوں نے کہا کہ کمپنی نہ صرف تکنیکی خدمات فراہم کرتی ہے بلکہ منصوبوں میں سرمایہ کاری، تعمیر اور طویل مدتی آپریشن مینجمنٹ کی صلاحیت بھی رکھتی ہے۔ انہوں نے پاکستان میں سرمایہ کاری کرنے اور مقامی ماحولیات کو بہتر بنانے میں بھرپور تعاون کی خواہش ظاہر کی۔
ایس یو ایس انیوارونمنٹ عالمی سطح پر ایک معروف ادارہ ہے جو ٹیکنالوجی کی جدت اور گرین ڈویلپمنٹ کے فروغ کے لیے سرگرم عمل ہے۔ ازبکستان اور عراق میں کمپنی کے ویسٹ ٹو انرجی منصوبے ’’گرین سلک روڈ‘‘ کے وژن کے تحت نمایاں مثالیں سمجھے جاتے ہیں۔
کمپنی نے اعلان کیا کہ آئندہ بھی وہ اپنی تکنیکی برتری کو بروئے کار لا کر مزید ممالک کو جدید فضلہ مینجمنٹ کے حل فراہم کرے گی اور عالمی سطح پر سبز معیشت کے فروغ میں اہم کردار ادا کرے گی۔
ایس یو ایس کے بارے میں
ایس یو ایس انیوارونمنٹ اس وقت دنیا کی نمایاں جامع ماحولیاتی کمپنیوں میں شمار ہوتی ہے۔ جون 2025 تک، کمپنی نے دنیا بھر میں 11 مینجمنٹ مراکز قائم کیے جو 10 کروڑ سے زائد آبادی کو ماحولیاتی اور توانائی کی خدمات فراہم کر رہے ہیں۔ SUS نے اب تک 90 ویسٹ ٹو انرجی منصوبوں (ایکو انڈسٹریل پارکس) میں سرمایہ کاری کی ہے، جن کے ذریعے روزانہ تقریباً 1,20,000 ٹن فضلہ پروسیس ہوتا ہے اور سالانہ تقریباً 18,000 GWh گرین بجلی پیدا کی جاتی ہے۔ دنیا بھر میں کمپنی کی ٹیکنالوجی 300 سے زائد ویسٹ ٹو انرجی پلانٹس میں استعمال ہو رہی ہے۔
*یہ اعداد و شمار چین کے انوائرمنٹل سینیٹیشن نیٹ اور عوامی طور پر دستیاب معلومات سے لیے گئے ہیں، جو مجموعی ڈیزائن کے پیمانے پر مبنی ہیں، اور ۳۰ جون ۲۰۲۵ تک کی صورتحال کی عکاسی کرتے ہیں۔
رابطہ: لیمون ہی،
hely@shsus.com